Sultonov kundaligi | Дневник Султонов’а

Jahon kontent bozorini yaqindan o‘rganish uchun Olmaotaga bordim.

⏺ Qozog‘istonning Olmaota shahrida bo‘lib o‘tgan World Content Market – Almaty 2026 xalqaro tadbirida ishtirok etdim.

Dunyoning 12 mamlakatidan media kompaniyalar jamlangan ushbu maydonda kino, serial va raqamli kontentlarni ishlab chiqarish, litsenziyalash hamda xalqaro bozorlarda tarqatish bo‘yicha tajribalar bilan yaqindan tanishdim.

|Bu safarimning aniq maqsadi bor. Hozirda Revolution Global jamoamiz bilan kino, serial va boshqa raqamli kontentlarni tomoshabinlarga taqdim etishga mo‘ljallangan REVO TV platformasini ishga tushirish ustida ishlayapmiz.

Shu sababli jahon kontent bozorida qanday o‘zgarishlar bo‘layotgani, xalqaro kompaniyalar qanday faoliyat yuritayotgani va kelajakda qanday hamkorlik imkoniyatlari mavjudligini o‘rganish men uchun muhim edi.

#WorldContentMarket2026 #REVO #REVOTV

@dev_story

ICTWEEK Uzbekistan 2026’da bu safar tomoshabin emas, o‘z mahsulotlarimiz bilan ishtirok etdik

O'tgan texnologiyalar haftaligida REVO jamoasi bilan so‘nggi yillarda yaratgan va rivojlantirayotgan loyihalarimizni keng auditoriyaga taqdim qildik.

Avtomato, REVO Lab, REVO Play, REVO Media, VOICE, Bitim, VIS va ParvozSIM — har birining ortida alohida jamoa, izlanish va katta mehnat bor. Bugun esa ularni bir maydonda REVO ekotizimi sifatida ko‘rish men uchun alohida ahamiyatga ega.

ICTWEEK biz uchun faqat mahsulotlarni namoyish qilish emas. Bu — yangi hamkorlar bilan uchrashish, bozorni yaqindan his qilish, tajriba almashish va yaratgan yechimlarimizga tashqaridan nazar solish imkoniyati.

Bugungi natijalar — keyingi bosqich uchun poydevor.

#ICTWEEK2026 #REVO

@dev_story

Turkiyada o‘tgan GITEX AI 2026’dan olgan taassurotlarim bilan o‘rtoqlashmoqchiman.

GITEX kabi yirik texnologik maydonlarda qatnashishning men uchun eng muhim tomoni — dunyo bozori qayerga qarab ketayotganini bevosita ko‘rish. Qaysi g‘oyalar mahsulotga aylanyapti, kompaniyalar sun’iy intellektni qaysi sohalarga olib kiryapti, investorlar va bozor nimaga ko‘proq e’tibor qaratyapti — bularni bir joyning o‘zida kuzatish imkoniyatini beradi.

Ko‘rgazmada turli mamlakatlardan kelgan texnologik kompaniyalar va startaplar bilan tanishdik. Ularning ayrim yechimlari biz uchun yangi g‘oyalar berdi, ayrimlari esa REVO’da rejalashtirayotgan loyihalarimizga boshqacha nigoh bilan qarashga undadi.

Men uchun safarning yana bir muhim natijasi — yangi aloqalar. Qator kompaniyalar bilan muzokaralar o‘tkazdik. Ayrim uchrashuvlar hamkorlik, kelishuv va shartnomalar bilan yakunlandi.

GITEX’dan qaytar ekanman hayolimga kelgan birinchi xulosa: katta texnologik mahsulot yaratish uchun qayerda joylashganingdan ko‘ra, qanday fikrlashing va qaysi bozorni ko‘zlayotganing muhimroq.

Endi ularni natijaga aylantirish kerak...

#GITEXAI2026 #REVO

@dev_story

Al-Khwarezmi universiteti bilan hamkorlik

Biz, REVO jamoasi, IT-ta'lim va biznes integratsiyasi yo'lida yana bir muhim qadam tashladik va bir necha kun avval nufuzli Al-Khwarezmi xalqaro universiteti bilan strategik hamkorlik memorandumini imzoladik. 🤝

Maqsadimiz bitta: akademik bilimlarni real ishlab chiqarish tajribasi bilan mustahkamlash.

Kelishuv doirasidagi asosiy yo'nalishlarimiz:
🔹 Amaliyot va kadrlar: Iqtidorli talabalar uchun https://t.me/RevolutionGlobalLLC jamoasida maxsus stajirovka o'tash va doimiy ishga joylashish imkoniyatini yaratish;
🔹 Startap va mentorlik: Kompaniyamiz mutaxassislarini jalb qilgan holda, talabalarning innovatsion g'oyalarini qo'llab-quvvatlash va ularni tijoratlashtirishga yordam berish;
🔹 Yirik IT musobaqalar: O'tgan yilgi "REVO CUP 2025" musobaqamizning mantiqiy davomi sifatida, birgalikda dasturlash va kiberxavfsizlik bo'yicha nufuzli olimpiadalar tashkil etish.

Fursatdan foydalanib, yaqinda bo'lib o'tgan "REVO DAY 2026" tadbirimizni tashkil etishdagi amaliy yordami uchun Al-Khwarezmi xalqaro universiteti rahbariyati va jamoasiga o'z minnatdorchiligimni bildiraman.

Kuchli kadrlar — kuchli biznes va rivojlangan IT-infratuzilma garovi. Shu yo'lda ishonchli hamkorlar bilan birga ishlayotganimizdan faxrlanaman! REVO jamoasi o'z nomiga munosib tarzda, O'zbekiston IT-bozorida katta o'zgarishlar qilishda davom etadi 🚀

#REVO #cooperation

🔥 REVO DAY 2026: Biz endi shunchaki IT kompaniya emasmiz...

Kuni kecha REVO DAY 2026 tadbirini ko'tarinki ruhda o'tkazdik. Bu safargi tadbirimiz shunchaki yil sarhisobi emas, balki kompaniyamiz tarixidagi eng muhim strategik burilishlari haqida bo'ldi. Dasturchilikdan boshlangan yo'limiz bugun yirik bizneslarni boshqarish va investitsiyalash darajasiga yetib kelgani va mana shunday ko'lamdagi tadbirlarni o'tkazayotganimiz — butun REVO jamoasi uchun katta sharafdir.

Tadbirdagi chiqishimda oxirgi 1 yildagi o'zgarishlar - REVO DAYdan REVO DAYgacha bo'lgan davr haqida o'rtoqlashdim. Endilikda REVO shunchaki IT kompaniya emas, balki o'z loyihalarini rivojlantiruvchi investitsion "hub"ga aylanmoqda. CodePlay va REVO Media'ning "sub-organization" formatiga o'tishi, Qatarda "sub-organization" orqali yangi qadamimiz va 1.5 yil davomida yopiq test qilingan REVO Lab inkubatsiyasi – bular biz uchun shunchaki yangilik emas, balki butun jamoamiz bilan yillar davomida qilgan mehnatimizning faxrli natijasidir.

Tadbirning saviyasi va yoshlarga bergan qiymati haqida gapirganda, spikerlarimizning darajasini alohida ta'kidlashim kerak. Yevropa va Rossiyaning yirik kompaniyalarida ulkan tajriba orttirgan Maksim Kolesnikov hamda butun dunyo taniydigan, Rossiyaning №1 kiberxavfsizlik kompaniyasi - Positive Technologies'ning yetuk mutaxassisi va Android-ekspertiza jamoasi sardori Pavel Vasilievning aynan Xorazmga kelib o'z bilimlari bilan bo'lishishi mintaqa yoshlari uchun juda katta voqea bo'ldi.

Shuningdek, startap ekotizimida katta o'ringa ega do'stlarim – "Imkon Ventures" asoschisi Tohirjon Mirzajonov va o'z startap studiyasi orqali loyihalarni "unicorn" darajasiga olib chiqish ustida ishlayotgan Yashin akalarning startaplarni moliyalashtirish bo'yicha bergan qimmatli fikrlari va tahlillari haqiqiy master-klass bo'ldi.

Eng qizig'i tadbirning rasmiy qismi tugaganidan keyin mehmonlarimiz va REVO jamoasi a'zolari bilan yana 2 soat mobaynida yoshlar qurshovida qolib ketdik. Hech kim ketishni xohlamadi, jonli suhbat davom etdi va yoshlar o'zlarini qiziqtirgan barcha savollarga javob olishdi. Bu intilishni ko'rib, qilayotgan ishlarimiz va qo'yayotgan qadamlarimiz bejiz emasligiga yana bir bor amin bo'ldim.

Tadbirimizda qatnashgan barcha mehmonlar va ishtirokchilarga, o‘z bilim va tajribasi bilan bo‘lishgan spikerlarga hamda tadbirni shunday ko‘tarinki ruhda tashkil etishga hissa qo‘shgan REVO jamoasiga alohida minnatdorchilik bildiramiz. Barchangizga rahmat!

Barchasi endi boshlanmoqda. Biz — REVO. Oldinga qadam tashlashda davom etamiz! 🚀

#REVO

🇺🇿 MUSTAQILLIGIMIZNING 35 YILLIGI MUBORAK!

Mustaqillik — o‘z kelajagimizni o‘zimiz yaratish, yangi g‘oyalarni amalga oshirish va katta maqsadlar sari dadil qadam tashlash imkoniyatidir.

Bugun O‘zbekiston zamonaviy texnologiyalar, innovatsiyalar va yangi tashabbuslar bilan taraqqiyotning yangi bosqichiga qadam qo‘ymoqda. Revolution Global jamoasi ham ushbu rivojlanishning bir qismi bo‘lib, yangi loyihalar va raqamli yechimlar orqali yurtimiz kelajagiga munosib hissa qo‘shishga intiladi.

Revolution Global jamoasi O‘zbekiston Respublikasi Mustaqilligining 35 yilligi bilan tabriklaydi!

Mustaqilligimiz abadiy, taraqqiyotimiz bardavom bo‘lsin! 🇺🇿

Telegram | Instagram | YouTube | web-site

Yozni yaxshi natijalar bilan yakunladik.

SUMMER VIBES’da men uchun eng muhim narsa raqamlar yoki taqdimotlar emas, balki REVO’ning bugun qanday jamoaga aylanib borayotganini ko‘rish bo‘ldi.

Avtomato va to‘lov o‘tkazmalari yo‘nalishidagi yangi qadamlar, REVO Lab’ning sarhisobi, HR’dagi tizimli o‘zgarishlar va qisqa vaqt ichida REVO Media ko‘rsatgan natijalar — bularning barchasi bir katta maqsadning alohida qismlari.

Oldimizga katta marralar qo‘yganmiz. Yangi loyihalar, katta mas’uliyat va yanada yuqori ko'rsatkichlar kutib turibdi. Buning uchun har bir bo‘lim alohida kuchli bo‘lishi yetarli emas — REVO bir butun jamoa sifatida kuchli bo‘lishi kerak.

Mustaqilligimizning 35 yilligi arafasida eng faol xodimlarimizni taqdirlaganimiz esa alohida ahamiyatga ega bo‘ldi. Chunki har qanday katta natijaning ortida uni yaratadigan insonlar turadi.

Biz yozni sarhisob qildik.
Ammo eng katta ishlarimiz hali oldinda.

#summervibes #REVO

@dev_story

Bugun REVO jamoasi uchun nihoyatda muhim kun bo‘ldi.

Imkon Ventures tomonidan Avtomato.uz loyihasiga $100 000 investitsiya kiritilgani rasman e'lon qilindi.

Bir yil oldin biz O‘zbekistondagi chakana savdo bizneslarining kundalik muammolarini chuqur o‘rganishni boshlagan edik. Ko‘plab tadbirkorlar savdo jarayonlari, ombor nazorati, qarzdorlik, xodimlar va mijozlar bilan bog‘liq jarayonlarni qo‘lda boshqarayotganini guvohi bo‘ldik. Bu esa vaqt, mablag‘ va imkoniyatlarning yo‘qotilishiga sabab bo‘layotgan edi.

Shu ehtiyojdan kelib chiqib Avtomato yaratildi.

Bugungi kunda platformamiz orqali 100 dan ortiq tadbirkorlar o‘z biznes jarayonlarini avtomatlashtirmoqda. Bu hali yo‘lning boshlanishi, xolos. Imkon Ventures jamoasining bizga bildirgan ishonchi va qo‘llab-quvvatlovi uchun alohida minnatdorlik bildiramiz. Ushbu investitsiya bizga platformani yanada rivojlantirish, jamoani kengaytirish va yangi yo‘nalishlarni ishga tushirish imkonini beradi.

Avvalo, REVO jamoasiga alohida rahmat aytmoqchiman. Bu natija ko‘p mehnat, tajriba va fidoyilik mahsuli. Ishonamizki, Avtomato.uz O‘zbekiston tadbirkorlari uchun biznesni boshqarishning eng qulay va ishonchli platformasiga aylanadi.

Barchaga rahmat!

#startup #REVO

@dev_story

REVO jamoasi GITEX AI Kazakhstan 2026 xalqaro texnologiyalar maydonida!

🚛 Kuni kecha jamoamiz Qozog‘istonning Olmota shahrida bo‘lib o‘tgan nufuzli GITEX AI Kazakhstan 2026 ko‘rgazmasida ishtirok etdi.

Sun’iy intellekt va innovatsion texnologiyalar kelajagi muhokama qilingan ushbu xalqaro platformada biz:
⏺ eng so‘nggi trendlar bilan tanishdik;
⏺ xorijiy ekspertlar bilan tajriba almashdik;
⏺ yangi hamkorliklar uchun muhim; uchrashuvlar o‘tkazdik.

💡 Eng muhimi — REVO yangi bosqichga chiqmoqda!

🚀 Biz startap ekotizimini rivojlantirish maqsadida o‘zimizning REVO Lab inkubatsiya va akseleratsiya kompaniyamizni rasman ishga tushirdik

Endilikda GITEX AI Kazakhstan davomida olingan bilim, tajriba va xalqaro netvork yosh va istiqbolli loyihalarni qo‘llab-quvvatlash, ularni inkubatsiya qilish hamda global bozorga olib chiqishga xizmat qiladi.
🌍 REVO — mintaqamiz texnologik kelajagini yaratishda davom etadi.

❗️ Barchasi endi boshlanmoqda. Biz bilan qoling va yangiliklarni kuzatib boring!

Ijtimoiy tarmoqlardagi sahifalarimiz👇

Telegram | Instagram | YouTube | web-site

🔥 Diqqat! REVO DAY 2026 ga taklif qilamiz!

Jamoamiz bilan birgalikda yilning eng kutilgan voqealaridan biri — REVO DAY 2026 tadbirini o'tkazayotganimizni xursandchilik bilan e'lon qilamiz! 🚀
Ajoyib muhit, qiziqarli dastur, yangi bilimlar va zo'r networking — barchasi tayyor! Faqat siz yetishmayapsiz. Barchangizni ushbu unutilmas kunda biz bilan birga bo'lishga chaqiramiz! ⚡️

👇 Tadbir tafsilotlari:
• 🗓 Sana: 24-mart
• ⏰ Vaqt: 14:00
• 📍 Manzil: Urganch shahri, Al-Khwarezmi universiteti

Vaqt oz qoldi, shuning uchun kalendaringizga belgilab qo'ying va do'stlaringizga ham bu xabarni ulashing! Tadbirda ko'rishguncha! 😉

#REVO #event

📚 Ofisimizda korporativ kutubxona!

Ajoyib yangilik bilan bo‘lishmoqchiman! Bugun Urganch shahridagi ofisimizda o'zimizning korporativ kutubxonamizni yaratdik. Hozircha javonlarimizdan o‘zbek, rus va ingliz tillaridagi jami 223 ta kitob o‘rin oldi, lekin bu hali boshlanishi xolos! 😎

Kitoblar ko'paygani sari ularning hisobini yuritish lozimligi ma’lum. Shu sabab, shaxsan o'zim korporativ admin panelimizga maxsus kutubxona modulini qo'shishga qaror qildim va buni zamon bilan hamnafas tarzda "vibe-coding" orqali amalga oshirdim. Bor-yo‘g‘i 10 daqiqada hammasi tayyor bo‘ldi! 🤖🪄

Endi korporativ admin panelimiz orqali:
👨‍💻 Kitoblarni bazaga kiritishda ISBN orqali ma'lumotlarni avtomatik to‘ldirish;
📖 Jamoa a’zosi qaysi kitobni o'qish uchun olganini qayd etish;
✅ Qachon qaytarib olib kelganini bemalol belgilash;
🔍 Audit funksiyasi orqali barcha kitoblarni bitta tugma bilan tekshirib, hammasi joyida ekanligiga ishonch hosil qilish mumkin.

Qizig‘i shundaki, "vibe-coding" orqali kod yozishga atigi 10 daqiqa ketgan bo‘lsa, kitoblarni tizimga kiritish anchagina vaqtimizni oldi 😅. Mavjud kitoblarni javonlarga to'g'ri ajratish uchun ham AI dan foydalandik va hozirgina - tungi soat 01:00 da ishni to‘liq yakunladik.

Kutubxonamiz ertadan ishga tayyor! 🎉

#REVO

Kelajak keldi: Odamlarni "ijaraga olish" boshlandi

Hammamiz avtomatlashtirish, AI bizga xizmat qilishi haqida o'ylab yurgan bir paytda, https://rentahuman.ai/ servisi ishga tushdi. Tizim AI-agentlarga MCP protokoli orqali real dunyodagi fizik vazifalarni bajarish uchun haqiqiy odamlarni ishga yollash va ularga pul to‘lash imkonini beradi.

Tasavvur qilyapsanmi Karl, rollar almashdi - endi odamlar AI uchun ishlaydi!!!

Muallifning kallasiga tan berdim, hurmatim cheksiz. Sun'iy intellekt yordamida milliard dollarlik bahoga ega loyiha qura oladiganlar aynan mana shunday qolipdan tashqari fikrlaydiganlardan chiqadi. Menimcha bu 2026-yilning eng yirtqich startapi va ehtimol, bu yil bundan zo‘rini endi o‘ylab topishmas. Yanayam bilmadim...

#имхо #ИИ

Yaxshi ishlash uchun, yaxshi dam olish ham kerak! 🌴✈️

Ta’til hali davom etmoqda, endi ikkinchi oilam - REVO jamoasi bilan birgalikda Tailandga yo’l oldik! Bizningcha, zo’r natijalar nafaqat qattiq mehnat, balki birgalikdagi ajoyib hordiq ortidan ham keladi. Oldinda bizni zo’r dam olish kunlari va jamoaviy sarguzashtlar kutmoqda.

Yangi kuch, ajoyib energiya va yangi g’oyalar bilan qaytamiz! 🚀

#revo #team #travel

🇩🇪 Hannover Messe’dan salomlar!

Bugun dunyoning eng yirik sanoat va texnologiyalar ko'rgazmasida bo'lib, bitta narsani juda aniq his qildim: biz texnologik poygada o'ylaganimizdan ham tezroq harakat qilishimiz kerak.
Tadbirdagi daraja O'zbekiston yoki O’rta Osiyo bozoridagi yechimlardan ancha farq qiladi va bu yerda men ITni shunchaki xizmat ko'rsatish emas, balki og'ir sanoatni to'liq o'zgartiruvchi kuch sifatida ko’rdim.

Nimalarga guvoh bo'lyapman?
- Kvant kompyuterlari: Bu endi shunchaki laboratoriya nazariyasi emas. Ularni real ishlab chiqarish va murakkab hisob-kitoblarga joriy etish ustida ishlayotgan jiddiy loyihalar taqdim etilyapti.
- Mutlaq avtomatlashish: Zavod va fabrikalarda inson omilini minimallashtiradigan, nosozliklarni o'zi oldindan aniqlab, o'z-o'zini boshqaradigan tizimlar.
- Robototexnika: Harakatlari odamdanda aniq va tez bo'lgan, nafaqat qolipdagi ishlarni, balki nostandart vaziyatlarda ham qaror qabul qila oladigan sanoat robotlari.
- Sun'iy intellektning yangi darajasi: Biz AIni asosan LLM'lar, matn yoki rasm generatsiyasida ko'rsak, bu yerda sun'iy intellekt butun boshli ishlab chiqarish tarmoqlarining "miyasi"ga aylangan. U butun zavod logistikasi va energiya tejamkorligini sekundiga boshqaryapti.

Bu kabi chuqur texnologiyalarni (deep tech) kuzatar ekanman, loyihalarimiz va kelajakdagi maqsadlarimiz qamrovini yanada kengaytirish kerakligini anglayapman. Eng ilg'or texnologiyalarni faqat kuzatish emas, ularni o'zlashtirish ustida jiddiy ishlashimiz kerak…

#event #travel

@dev_story

Hozir Frankfurtdan Berlin tomon poyezdda “Startup pufagidagi millionlar” kitobini o‘qiyapman. Kitob startaplar yoki investitsiya haqida emas, muallifning ishdan bo‘shatilish tarixi bilan boshlanadi. Shu joyida o‘zim ham IT sohasida so‘nggi paytlar kuzatayotgan o‘zgarishlar haqida o‘ylab qoldim.

AI paydo bo‘lishi bilan IT bozorida yangi davr boshlandi. Oldin kompaniyalar ko‘proq odam yollardi, hozir esa kamroq jamoa bilan ko‘proq ish qilish mumkin bo‘lib qoldi. Bir vaqtlar 10 kishilik jamoa qiladigan ishni bugun 3-4 kishi bajarishi mumkin va allaqachon ko’pchilik katta IT komlaniyalar xodimlarni qisqartirishini e’lon qilib ulgurgan. Bu esa tabiiy ravishda:
- ish o‘rinlari qayta shakllanishiga
talab qilinadigan ko‘nikmalar o‘zgarishiga
- IT'dagi "barqaror ish" tushunchasining o‘zgarishiga olib kelmoqda

Men uchun oldindan ham eng muhim skill - bu faqat kod yozish emas. Eng muhim skill - tez o‘rganish, moslashish va muammoni tushuna bilish qobiliyatidir.

Oldinlari ko‘pchilik kompaniyalar coder’larni ko‘p ishga olishardi. Hozirga kelib esa deyarli barcha IT kompaniyalar coderlardan voz kechib, xodimning boshqa xislatlariga ko‘proq e’tibor bera boshladi: fikrlash, mas’uliyat, tashabbus, AI bilan ishlash qobiliyati va boshqalar…

Kim tez moslashsa - yutadi. Kim eski modelda qolsa - qiyinlashadi. IT bozori o‘zgaryapti. Bu endi boshlanishi xolos. 🚄🤖

#thoughts

@dev_story

GITEX Africa 2026 dan qaytyapman, Kasablanka - Turkiya - Toshkent - Urganch, sal kam 1 sutka yo'l va 3 ta parvoz…

Yaqinda bir biznes hamkorimizning tavsiyasi bilan ryukzagimga "SOS - savol ortidagi savol" kitobini solib olgandim. Kitobni 1-parvoz payti boshlab hozir Istanbul aeroportida o’tirib o’qib tugatdim.

Kitobdagi "O'zingizni o'zgartiring" degan qismlarini o'qib, 1,5-2 yil oldingi davrim esimga tushdi. Boshlang'ich rahbarlarda ko'p uchraydigan holat - jamoaga mas'uliyat topshirishga biroz ikkilanib, hamma yukni o'z bo'ynimga olar edim. Ayrim vaziyatlarda diqqatni to'g'ri yechimga emas, balki noto'g'ri savollarga qaratgan paytlarim ham bo'lgan.

Agar bu kitobni o'sha paytlari o'qiganimda, ehtimol bu jarayonlarni biroz tezroq bosib o'tgan bo'lardim. Lekin hozir o'qib turib, bir narsadan juda xursand bo'ldim: REVO jamoamizda allaqachon har qanday vaziyatda javobgarlikni hech ikkilanmay o'ziga ola biladigan odamlar yig'ilib bo'lgan va bundan faxrlanaman. Agar siz ham boshqaruvda endi tajriba to'playotgan bo'lsangiz yoki jamoangizga mas'uliyatni topshirishga qiynalayotgan bo'lsangiz, o'qib chiqishga arziydigan kitob.

Yangi energiya bilan Urganch ofisi sari yo'ldaman va borishimiz bilan katta rejalar bizni kutmoqda…

Ps: kitobdagi eng yoqqan jumla: Shaxsiy javobgarlik eng oxirgi manzil emas!

#reading

@dev_story

GITEX Africa 2026!

Afrika qit'asining eng yirik texnologik va startap ko'rgazmasida @RevolutionGlobalLLC jamoasi nomidan, shuningdek, yurtimizning yetakchi IT kompaniyalari — Startup Garage va Asaxiy asoschilari bilan birgalikda ishtirok etyapmiz. Kuchli davra, yangi g'oyalar va xalqaro networking uchun ajoyib muhitdamiz🤝🌍

Tashrifimizdan maqsad — raqamli transformatsiya, IT sohasidagi yangi trendlarni o’rganish va global hamkorliklar orqali o’z mahsulotlarimizni MENA bozorlariga olib chiqishdir.

Yangi insight'larni amaliyotga tatbiq etish vaqti keldi, barchaga omad 🚀

#REVO #event

@dev_story

O‘zbekiston startaplari uchun Afrika va MENA bozorlariga yangi ko‘prik qurilmoqda

O‘zbekiston startap ekotizimi xalqaro maydonga faol integratsiya qilinmoqda. Yaqindagina nufuzli CEVF 2026 forumida "Eng yaxshi ekotizim ishtirokchisi" deb topilgan Startup Garage Yaqin Sharq va Shimoliy Afrika (MENA) bozorlariga rasman kirdi.

Tashabbus shunchaki xorijiy bozorga chiqish emas, balki O'zbekiston loyihalari uchun yagona "soft-landing" infratuzilmasini yaratishni ko'zda tutadi. Bu mahalliy founderlarga:
• Xalqaro miqyosda tanilish;
• Xalqaro fondlar va angel investorlarga to'g'ridan-to'g'ri chiqish;
• Cross-border (B2B/B2G) hamkorliklar o'rnatish imkonini beradi.

Ushbu strategik qadamning bozorga ta'siri, raqamlar va ekotizim yetakchilarining batafsil fikrlari bilan Pivot tahliliy maqolasida tanishing.

👉 Batafsil

@pivotuzbekistan

⚡️ Toshkentda ilk bor — CEVF 2026 (Central Eurasian Venture Forum)

Kecha mintaqamizning eng yirik venchur va IT tadbirlaridan biri — CEVF 2026 da qatnashish nasib qildi. Bu yilgi forum Qozog’istondan keyin ilk marotaba mamlakatimizda o'tkazilmoqda va u yerdagi muhit haqiqatan ham diqqatga sazovor.

Tadbirda asosan qaysi mavzular ko'tarildi:
• “Smart Capital” (Aqlli sarmoya) tushunchasi va AI startaplarini global darajada rivojlantirish;
• Markaziy Yevroosiyoda venchur investitsiyalarining yangi to'lqini;
• Xalqaro investorlar hamda mahalliy startaplar o'rtasidagi hamkorlik aloqalari.

Dunyoning turli burchaklaridan kelgan venchur fondlari rahbarlari va startap asoschilari bilan bo'lgan networking jarayonida sohadagi eng so'nggi trendlarni muhokama qilindi.
Bu kabi xalqaro muhit va tajriba almashish biz uchun juda muhim. Sababi, REVO kompaniyasi ham o'z oldiga doim katta maqsadlarni — mamlakatimiz IT ekotizimida o'zining innovatsion yechimlari bilan mustahkam o'rin egallash va global miqyosga chiqishni maqsad qilgan. Biz loyihalarimiz orqali jarayonlarni avtomatlashtirish, yangi imkoniyatlar yaratish va sohada yetakchilardan biri bo'lish yo'lida harakat qilishda davom etamiz 🚀

#event #networking

@dev_story